БэнакIэ-фитымкIэ зэлъашIэрэ гъэсакIоу, Феликс Хубиев, Къэбэрдей-Бэлкъарым и къэлэшъхьаIэу Нальчикы, КъохьапIэмкIэ 10 километер укIомэ къыпэщылъ ЯтIонэрэ Шэджэм зыфиIорэ къуаджэм щатыгъугъэу ежь щыщэхэмэ къаIуагъ. Ежьыри ащ щыщагъ, наIо нэкIубгъохэм къызэратхыгъэмкIэ.

ЖъоныгъуакIэм и 8, Хубиев мэкIодыгъ шъхьаем ахэмэ ар жъугъоу наIо къашIын алъэкIыгъэп хъугъэ-шIагъэ зэлъыгъэIэс шIыкIэхэмкIэ. Ащ и кIэлэцIыкIуи 5 ибэу джы къэнагъэх.

Мэфэ заулэ тешIагъэу, Шэджэм – Нальчик гъогушъхьэ нэзым и хьадэ къыIуагъотэжьыгъ. Щыщэхэмэ зэраIорэмкIэ ар Урысым и хэушъхьафыкIыгъэ-къулыкъумэ аукIыгъэу ары. УIагъэ хьылъэхэр ыпкъышъол зэрэпсаоу къытагъотагъэх, ышъхьэ-къупшъхьэ чагъэхэр иIэхэу, ыIэпкъы-лъэпкъ Iаеу зэхэкъутагъэу, ышъо хэгъэжъыкIыгъэу хъурэе цIыкIухэр иIагъэх, ыIэшъхьитIу зэшIуракIыгъ. КъызэрэлъагъорэмкIэ къин мыгъо рагъэщэчи, ыужыпкъэм ышъхьэ пэблагъэу тIорэ еохи аукIыжьыгъ.

Урысхэри ахэмэ афэлажьэхэрэри зэикI тегущыIэнхэу фаехэп мыщ фэдэ къэхъу-къашIэхэм. МВД зыфиIорэ полициям хэтэу зыгорэм къызэриIуагъэмкIэ, Феликс Хубиев, "Ваххабит" зыфаIохэрэмэ ахатхэгъагъ, арыти, ащ зэриIорэмкIэ, зэраукIыщтыр гъэнэфагъэу щытыгъ.

ЦIыф фитыныгъэмэ афэлажьэрэ бзылъфыгъэ цIэрыIоу, Лариса Дорогова, тхакIомэ къазэрэриIуагъэмкIэ, ФСБ и "Эскадрон смерти" зыфиIорэм епхыгъэхэр арых а кIалэр зытыгъугъэхэри зыукIыгъэхэри – ащ и Iофыр КавказымкIэ шъхьафитыныгъэм фэбанэхэрэр ыукIынхэр ары.

'ШIэныгъэ къызIэкIэпхышъунэу зенэгуехэрэм хьэкIэ-къокIагъэкIэ дэзекIох етIанэ ар аукIыжьы. Мыщ фэдэ мыхъо-мышIагъэхэр апэрэп Къэбэрдей-Бэлкъарым къызэрэщыхъухэрэр' къыIуагъ Дороговэм.

Мыщ ыпэми "эскадрон смерти" зыфиIорэм цIыфыбэ Къэбэрдей-Бэлкъарым и Тырнауз къалэм щитыгъугъагъэх. Мэлылъфэгъум, 2004 ислъэсым, чIыпIэрысэу нэбгыри 9 автобусым ратыгъукIи, етIанэ ари гъогум и бгъум къыIуранэжьыгъэу къагъотыжьыгъагъ, щэ еуагъэхэр иIэхэу. Амыгъотыжьыщтыгъэхэри мэфитIу нэужы пэгъунэгъу чIыналъэм къыщагъотыжьыгъэх: зэкIэ гъогубгъум Iутэкъуагъэхэу.

Атыгъугъэхэм къызэраIотэжьыгъэмкIэ, Урысым и къулыкъу-шъэфыхэр арых зытыгъугъэхэр. Ащ пэкIэфагъэхэр мастэрэ шъэжъыерэкIэ кин арагъэщэчыгъ. ЫкIи электро шок зыфаIорэм фэдэхэр атырашIылIагъэх. Ар зышIагъэхэр фэягъэхэу ары къарагъэIотэнэу, Къэбэрдей-Бэлкъарым и тхьэмэтэщтыгъэу, Валерии КIокIо, Муджаhидинхэм зыгорэкIэ апышIагъа-апымышIагъа.

2004 илъэсым, Iоныгъо мазэм, чIыпIэм ит еджапIэм пкъы-псыхьан (физическая подготовка) защыригъэшIыщтыгъэ гъэсакIоу, Расул Цакоев, атыгъугъ ыкIи Нальчик къалэмкIэ шIой Iатэм и кIыIу хырадзэжьыгъ. И псэоныгъэкIэ къызэрэмыкIоу щытыгъэти Зиусхьан Цакоев я унэ къыгъэзэжьыни и унагъом къариIон ылъэкIыгъ, Къэбэрдей-Бэлкъарым и УБОП МВД зыфиIорэм зэритыгъугъэр. Зиусхьан Цакоев къин рагъэщэчыгъ етIанэ а хъункIакIохэм рагъэзыгъ Муджаhидхэм адэлажьэкIэ Iапэ чIыридзэнэу, телефон пчъагъэхэр къыIырахызэ.

Зиусхьан Цакоев къин зыригъэлъэгъугъэмэ ащыщэу зы ныIэп къишIэжьыгъэр: ар нысхъапэ полицием и пэрытэу Анатолий Кяров. Зиусхьан Цакоев къызэриIотэжьыгъэмкIэ, Кяров унашъо зышIыгъэр къин рагъэщэчынэу. МэфиплIы нэуж Зиусхьан Цакоевым къинэу рагъэлъэгъугъэм къыхэкIэу и гъашIэ ыхъожьыгъ. Цакоев къехъулIагъэр Европэ ЦIыф Фитыныгъэ Гупчэм чIыралъхьагъ ыкIи ащ хэплъэнхэу унашъо къыщаштагъ.

Анатолий Кяров блэкIыгъэ илъэсым Кавказ УIэшыгъэ Къарыухэм (Муджаhидинхэм) и Iоф ашIэгъагъ.

"Эскадрон смерти" зыфиIорэм, Къэбэрдей-Бэлкъарым цIыф бэ щитыгъугъэу алъ аIэ пылъ. Бэхэмэ къин арагъэщэчыгъ лIэхэфэ, апыупчIахьыхэ зэхъум. ЕтIанэ ахэр "защыпыупчIахьыхэрэ унэм" и шъхьангъупчъэ къырадзыжьыгъэх. НаIо къызашIырэм ахэр ежьыхэр шъхьаныгъупчъэм къипкIыгъэхэу къаIо.

Радио Адыгэ